Traballadór ba Ema Seluk (adezaun obrigatória)

Inskrisaun obrigatória iha rejime kontributivu seguransa sosiál

 

Inskrisaun iha rejime kontributivu seguransa sosiál nian obrigatóriu ba traballadór sira hotu ne’ebé servisu ba ema seluk, iha setór públiku no iha setór privadu.

 

Traballadór ne’ebé servisu ba ema seluk inklui traballadór sira hotu ho kontratu traballu ba tempu determinadu ka indeterminadu, husi setór atividade sira hotu, tuir termus lei traballu nian, nomós traballadór sira hotu ne’ebé hala’o funsaun iha Estadu.
 

Inskrisaun ba Traballadór ba ema seluk

Entidade Empregadora

Preenxe Formuláriu Inskrisaun  ba Traballadór ba Ema Seluk


Ba Sidadaun Nasionál tenke aprezenta pelumenus dokumentu Identifikasaun rua husi dokumentu sira tuirmai:

  • Fotokópia Kartaun Eleitorál; 
  • Fotokópia Billete Identidade (BI ho pelumenus validade ba fulan 6);
  • Fotokópia Sertidaun Moris RDTL.

Karik traballadór laiha Billete Identidade, bele halo inskrisaun inisiál ho kartaun eleitorál no Sertidaun Moris.

Karik iha inskrisaun dala rua no traballadór lahatene nia Númeru Identifikasaun Seguransa Sosiál nian (NISS), traballadór presiza aprezenta fali ona dokumentu identifikasaun sira ne’ebé aprezenta ona ba inskrisaun dahuluk.

 

Identifikasaun Sidadaun Estranjeiru sira:

  • Fotokópia Pasaporte válidu (ho validade pelumenus ba fulan 6)
     
  • Prezensialmente iha postu atendimentu seguransa sosiál iha Díli no iha postu atendimentu seguransa sosiál iha munisípiu sira no iha RAEOA;

Ka 

  • Liuhusi email (haruka formuláriu ne’ebé preenxe tiha ona, asina no dijitaliza, hamutuk ho dokumentu nesesáriu sira hotu iha aneksu) ba email seguransa sosiál nian: seguranca.socialtl@gmail.com 

Ka

  • Online (kria hela daudaun)

     

To’o iha data entrega Deklarasaun Remunerasaun dahuluk ne’ebé inklui traballadór ne’ebé refere, no inskrisaun iha efeitu husi data hahú ezersísiu atividade profisionál nian.