Traballadór sira ne’ebé dezempregadu

ho kontribuisaun pelumenus tinan 3 – nasionál ka estranjeiru (Adezaun Fakultativa)

Inskrisaun fakultativa iha rejime kontributivu Seguransa Sosiál nian

 

Inskrisaun iha rejime kontributivu Seguransa Sosiál nian mak fakultativu ba traballadór sira tuirmai ne’ebé aptu ba servisu:

  • Traballadór por konta própria, inklui setór informal (nasionál ka estranjeiru)
  • Traballadór sira servisu doméstiku nian (nasionál ka estranjeiru)
  • Jerente no Administradór empreza sira (nasionál ka estranjeiru)
  • Traballadór nasionál ne’ebé hala’o sira-nia atividade profisionál iha estranjeiru
  • Traballadór sira dezempregadu ho kontribuisaun ba seguransa sosiál pelumenus tinan 3 (nasionál ka estranjeiru)


 

Traballadór sira ne’ebé dezempregadu ho kontribuisaun pelumenus tinan 3 ba seguransa sosiál (nasionál ka estranjeiru)

Traballadór sira ne’ebé dezempregadu ho kontribuisaun pelumenus tinan 3 ba seguransa sosiál.

Traballadór sira ne’ebé dezempregadu ho kontribuisaun pelumenus tinan 3 ba Seguransa Sosiál presiza hili eskalaun baze insidénsia kontributiva nian.

 

  • Sertifikasaun médika komprovativa katak ema interesadu aptu hela ba servisu
    • Sé mak bele pasa sertifikasaun?

Médiku sira husi Servisu Verifikasaun Inkapasidade sira mak halo sertifikasaun médika ka, karik sira laiha, husi médiku sira Servisu Nasionál Saúde nian.

Sertifikasaun kona-ba aptidaun ba servisu husi sidadaun nasionál  ne’ebé hela iha estranjeiru halo liuhusi deklarasaun ida husi médiku asistente ema interesadu nian, autentikada husi instituisaun públika saúde nian iha nasaun rezidénsia.

 

  • Ba Sidadaun Nasionál aprezenta pelumenus dokumentu rua husi dokumentu Identifikasaun sira tuirmai:
    • Fotokópia Kartaun Eleitorál; 
    • Fotokópia Billete Identidade (BI ho pelumenus validade ba fulan 6);
    • Fotokópia Sertidaun Moris RDTL.

 

Karik traballadór laiha Billete Identidade, bele halo inskrisaun inisiál ho kartaun eleitorál no Sertidaun Moris.

Karik iha inskrisaun dala rua no traballadór lahatene nia Númeru Identifikasaun Seguransa Sosiál nian (NISS), traballadór presiza aprezenta fali ona dokumentu identifikasaun sira ne’ebé aprezenta iha inskrisaun dahuluk.

 

  • Identifikasaun Sidadaun Estranjeiru sira:
    • Fotokópia Pasaporte válidu (ho validade pelumenus ba fulan 6)
       
  • Prezensialmente iha postu atendimentu Seguransa Sosiál nian iha Díli no iha postu atendimentu seguransa sosiál iha munisípiu sira no iha RAEOA;

Ka

  • Online (kria hela daudaun)
     

Bainhira hakarak, tanba inskrisaun fakultativa la obrigatóriu.