Traballadór sira tenke komunika ba Seguransa Sosiál:
- Suspensaun ka Sesasaun inskrisaun nian
- Alterasaun kona-ba elementu pesoál, familiár ka profisionál (alterasaun kona-ba kompozisaun agragadu familiár, alterasaun estadu sivil, alterasaun kona-ba situasaun inkapasidade atu servisu, no sira seluk tan)
- Husu alterasaun ba eskalaun baze insidénsia kontributiva nian
- Regularizasaun dívida sira
Traballadór sira tenke komunika alterasaun saida de’it ba Seguransa Sosiál to’o iha dia 10 fulan loron 10 fulan tuir mai- iha Postu Atendimentu Seguransa Sosiál iha Dili ka to’o loron 5 fulan tuir mai- iha Postu Atendimentu Seguransa Sosiál sira-nian iha munisípiu no iha RAEOA.
Hodi komunika alterasaun kona-ba elementu sira, suspensaun ka sessasaun atividade ka alterasaun ba eskalaun baze insidénsia kontributiva, traballadór sira tenke preenxe formuláriu komunikasaun kona-ba alterasaun sira no haruka liuhusi email ka entrega prezensialmente iha postu atendimentu Seguransa Sosiál, iha Dili, iha munisípiu sira ka iha RAEOA.
Kona-ba regularizasaun dívida sira, traballadór sira tenke aprezenta komprovativu transferénsia bankária pagamentu dívida sira nian ba seguransa sosiál. Bele halo aprezentasaun komprovativu prezensialmente iha postu atendimentu ka liuhusi email.
Traballadór sira ne’ebé atu hala’o sira-nia atividade, ho karákter temporáriu, iha estranjeiru, tenke komunika faktu ne’e ba Institutu Nasionál Seguransa Sosiál iha prazu loron 8 hahú husi data inísiu destakamentu, bainhira durasaun totál destakamentu nian la liu fulan 24.
Karik liu fulan 24, ENIN sira tenke rekere ba Institutu Nasionál Seguransa Sosiál rekoñesimentu ba karákter temporáriu atividade laborál nian ne’ebé refere, no prepara nia pedidu ho elementu sira hotu nesesáriu ba nia fundamentasaun.
Traballadór sira tenke komunika alterasaun hirak-ne’e iha postu atendimentu Seguransa Sosiál nian iha Dili, iha munisípiu sira ka iha RAEOA, ka liuhusi email.
